پارچە شێعرێگ لــە مادی شەریفی
م پایزم ، م پایزم ، ت زمسان
ت وەفری ، کەو یەخی ، لەێرە م بێ گیان
م لەێرە خاوەن وەڵنگەیل زەردم
لە شوون ساڵ خوەم ، چەن ساڵە گەردم
ت سەرما بەشکەر بیخ سقانی
چوو چەرداخ خوەد لەێرە چقانی
م سێوەێگم لە سۊک کوردەواری
ت بەن بەن لەێ دەوارە داڕزانی
هناسم باڵ خەێدەو ژێر باڵد
چەقارەێ خەێدنەو ، سۊکێ لە ماڵد
ت مینید و هسارە پڕ لە ئەورێ
گ
پەرچینێ لە زمسان هالە دەورێ
م لەێرە لانەورێزم تا ت هەیدن
لە ناکاوا تۊیەم دووسی نەخەیدن
ت چەن ساڵە گ کەفتیدە لە ناوەیل
منیدە ماسی مردێ لە ئاوەیل
م هۊر فام خوەم گوم کەم لە شووند
چەوەڕێ چاود و میلکان چووڵد
