ئەگەر با بووم
لە شۆڕەبی مارەم ببڕن
هەموو جارێ
بە حەڵاڵی
دەس وپەنجەم
ئەئاڵێنمە ڤژەکانی…
گەر
گۆزە بووم
لە کانیاوێ مارەم ببڕن
بە حەڵاڵی
تێر تێر ماچی
گۆنای کچاندەکەمەوە
لەسەرکانی
ئەگەر شاربووم
لە ئاسمان مارەم ببڕن
حەزم بە چاوە قرتەی ئەستێرانە..
بابزانن
منی عاشق
چەن نیو نیگای
یارەکەمم لە لاجوانە..
گەر باران بووم
بمدەن بەشو
بەگوڵدان بەر پەنجەرەیە..
جوانتر لە گوڵ
یارێ ترم
دەس ناکەوێ..
ئەگەر کچ بووم
مارەم ببڕن
لە کۆڵانی تەنیایی خۆم
ئەزانم کەسی تێدانیە
بەس بەتەمای هاتنی تۆم
