له بێمدومی وڵات و له بێده‌سڵاتی م
یه منم ک له سۊک نیشتمان کـۊژ ئڵاتمه
م له سیه‌تا مڵق ده‌م و کورپه ئامانجه‌یلم له کیسم چێنه
باێه‌قوره‌ته‌یل له پسا چه‌پاو که‌ن
مشت مشت له زوان و له نیشتمان و
له م، ژنێگ ک له سۊک نیشتمان کـۊژ ئڵاتمه
زالـؤه‌یل باوه‌ڕ وه‌ر کردنه‌سه گیانم و له‌پسا مژنه‌م
م له هه‌ڕه‌شه‌ێ شه‌مشه‌مه‌کوره‌یل له پڕێ چێمه
قوڕگم پڕه له خۊن له هاوار بێده‌نگی و
له پسا بێده‌سڵاتی ئڵاڵم …
ئای ئاگربه‌ره‌که‌یل خوه‌زێه‌و
په‌لامم به‌ون تا سۊک بێنز دڵداری
تا هناز قه‌شمه‌ری مانگه‌شه‌و
ئای په‌پۊله‌یل سه‌ونز دڵخوه‌شی
هڵاماتم بێه‌ن تا چوار سۊک سنوره‌یل ڕزگاری
ئای که‌ڵه‌شێرخودایل ده‌روه‌نه‌یل دۊر
هاوار بێده‌سڵاتیم ئه‌ڵده‌ن له به‌رزی تاشه‌یل
ک م جیه‌و نیه‌گرم له باوه‌ڕ سیه‌ێ باێه‌قۊره‌ته‌یل
م پڕم له تماشا، له وه‌یشت سه‌ونز وه‌هار و هاوار ده‌م
ئای په‌پۊله‌یل
که‌ڵه‌شێرخودایله‌یل
په‌لامم بوه‌ن ،په‌لام ژنێگ
ک له سۊک نیشتمان کۊژ ئڵاتێه.
……………………………..
