هساره
پـەژارە گرتەم هەم لە ئێوارە
وە تەنیا سەر کەێ کی ئێ شەوارە
هەرچێ توواسی کیشام لە فەڵەک
ئاسمان هاوردم دی نەۊ هسارە
مێنم وە زەخمی ژان داۊ لە قاپم
شکیام لە شووند هەم لەێ دیارە
پەنشەمە هات و سۊر ت بردن
مەنم وە تەنیا لەێ سەر مەزارە
چەمەری بارن لەێ بان بانە
سووز دڵەگەم سازێ خەموارە
ئێ دڵ پڕ خەم هە ها لە هۊرد
وە شەو تا وە سوو کیشێ پەژارە
بنووڕ وەێ بانە وەێ بەرزە دارە
خەمد چۊ ئاگر لە لێ سووارە
بەور بۊ سقانم نەمەن لە گیانم
نریامە لە خاک ڕووحم بێمارە !!
