منم زام ناسوور و هەڵکەنیاێ
منم بسکەێ وشکەو بۊ و قاپ نەدریاێ بان دیوار چووڵەگان
منم گومەل گومەل خۊن ڕژیاێ بەڕۊیەگان
یە منم
یە منم ک ئەزرەت چووپی سێ هەزار ساڵە دێرم
منم تامازوو بێ وجاخەگان
منم تاسەباری کەێکوو ئەڕا بەر داین
ئاخ یە منم ک دی وڵات و میلکان و
تەنانەت سەروێن لارەگەێ داێەم
دی بەشم ناکا !!!!
چه بۊژم
یە منم پیوار خوەشییەیل پار و پێرار و
ساڵەیل دۊر و قۊل
منم ک تاف جووانیم نەمەنێیەو پیر بۊمە
ئاخ
ئەمانێ
هێمان
ناومه قەێ یەێ دانگ
له چاوەڕوانی داڵگم !!!!!
