کورد تڵاسه ژەنگ نیەێد
ساتێ یە جوور رەنگ نیەێد
پڕ باوشێ عشقە
سازێ ناکوک دەنگ نیەێد
چۊ زاگروس،سینە پیەن
مرزدارە ئەڕا وەتەن
زەخمەیل لەش و گیانێ
وەێ باوەتە ئەشهەدەن
وە باکوورا تا باشوور
جەنگێ وە گەرد ئاشوور
کەمێ بنووڕە تاریخ
نێیا وژەێگ وە سنوور
م تونم و تو منی
نەتوا گ م بڕمنی
تاریخ ئێ مڵکەیمە
وە شیعەمان تا سونی
کرماشانە یا سنە
کوتێ وە لەش تونە
خلیج فارس تا خەزەر
ئێران تونو منە
ئیلامم یا هەورامان
دەماوەندە برامان
وە تەفتان دۊد هێز بگرێ
گورج کلاش کەیمە پامان
