شه‌وقم سه‌ربڕیا
زه‌وقم وه‌رد بڕیا
دڵم هه‌ڵـگڕیا
له په‌ژاره‌ێ
هۊل تۊل، بێ ساوسۊل، نه‌کردوو نه‌ێیاێگ
تا
له
تیه‌ڵـه‌شه‌ه‌وارێ
ئه‌زره‌ته‌یلم چۊزه‌دان له بان زام کولیاێ، سارێژ نه‌کریاێ، هه‌زار ساله‌ێ
شان زه‌حاک پت پێسێ
گومه‌ل، گومه‌ل چلۊسیان و سلا دریان وه‌بەله‌ێ زووان ئه‌یژده هایل
مژگ سلاده‌ر
له
خوه‌ره‌بانێ
کاوه‌یل بێ دەسەڵات
وه
ساوکه سه‌کامه‌تی
وه
ته‌وره‌یل ده‌م نه‌نریاێ، ژه‌نگ هه‌ڵوه سیاێ، دارزیاێ
قووشه‌ن، قووشه‌ن
که‌فتنه رێیا،
ئێ جاریشه
ئەزره‌ت په‌له‌په‌ل که‌رێ
له
ده‌م قـۊتاده‌ر ماره‌یل زنووکه‌ر
سەورێ
نه‌ێیان
