هساره ماڵپەڕ هسارە سه‌ر وه هیچ لایه‌نێگ نییه و ته‌نیا ئامانجێ خزمه‌ت كردن و پێشخستن زوان و ئه‌ده‌بیات و فه‌رهه‌نگ كوردیە /ماڵپەڕ هسارە له وێراشته‌كردن ده‌قه‌یل ئیوه‌‌ێ هه‌نین ئازاده
شەتاومان هەڵ مژن و
سڵپەگەمان تفەو کەن
نەڕەگەورەیل تێوڵ سییە!
ژمارە نانەسە قەێ دار و کۊیە
ئیمڕووژ ئاو و زەۊ کەنە قەواڵەێ خوەێان
سوو کوڕ و دۊیەتەگانمان…
شەتاومان هەڵ مژن و-
سڵپەگەمان تفەو کەن
خوەر لە ڕێ خەڵەتاننەو
هەوسار “هەورەیل زگ وە زۆقوم پڕ” ها دەسێیانەو
تا چیلگ وەڵێمان بشکنن و بفرووشنەێ خوەمان!
ساڵەیل دێزە ، بینەسە چوار زمسان و،
بێ خوەر
ڕەنج،
بێ وەر…
قاڵاوەیل نادیار لە ناو زڵەمات! هانە دیار سەرمانەو، تا نەگواێ ئاگر باێدە ویرمان!
شەتاومان هەڵ مژن و
سڵپەگەمان تفەو کەن
نەڕەگەورەیل تێول سییە!
