پـــــــــــــرشنگ جـاران چه‌ود دامـرێ
هســــــــــــــــــــاره واران چه‌ود دامرێ
هه‌ێ گوڵه‌گه داخ ئڕاد چۊچیاس
هه‌رچگـــــــــه ئێڵاخ ئڕاد چۊچیاس
هه‌ر وه په‌ێ هات نه‌هــــاتێ تره‌ک
بــــــــــــــه‌و بــــچیمـن وه وڵاتێ تره‌ک
لــــــــــــه هۊر م هۊر ت قۊژه عه‌زیز
له‌ێره چه‌ود بێکه‌س کۊژه عه‌زیز
داخ لــــه قه‌ێ چه‌وڕه‌ژیاند نه‌مه‌ن
مه‌خمه‌ڵ خوه‌زێەو له وڵاتد نه‌سه‌ن
دیارییه چه‌ود له مه‌رز خـــــــــوه‌شی
له هووز سه‌وڵه‌گان به‌رز خــوه‌شی
داڵــــــــــگه‌گه‌م تام چه‌ود تفت بـــۊیه
زه‌خـــــــــــم زه‌مانه له م واکفت بۊیه
هه‌م له چـه‌ود خه‌لیه چۊچانه هه‌م
تـــــووز ته‌م و ته‌م ته‌مه‌لۊلانه هه‌م
داڵــــــــــگه بــــێ هـــــناس ت وا نیــــــاێ
مــــــاسی لیــــــق م وه ده‌لیــــا نیـــــــــاێ
لــه‌ێره کـــــه‌سێ نیاێده دیارد بچوو
که‌سێگ نییه چه‌و همته‌زارد بچوو
بــــــــــــــووسیه‌ره‌و منم لـــــــه یاران ت
پــــــرشەنگـــەگــــان نەرمــــە واران ت
بـــــــــــووسیه تـــــا گه‌ر گ بوارێ بچید
خومچه له گوڵ سه‌رگ درارێ بچید
وه‌فره گ بێده‌نگ وه ئه‌سر بوو ئڕاد
لیمووه‌گــــــــــــــــه‌ێ کاڵ قه‌سر بوو ئڕاد
پـــــــــــــــــرشــــــنگ جاران چه‌ود دامـــــرێ
هــــــــــــــه‌ر یه‌سه واران چه‌ود دامــــــرێ
هه‌رچـــگه کاوه‌س وه ژه‌نێـــــــــــــار بوو
وه‌فـــــــــــــره چه‌ویر چه‌و ت چــــار بوو
داڵـــــــگه ئــــــێ تامه، چه‌ود تفت که‌ێ
هســــــــارە هەم لە ئاسمان ڤفت کەێ
لــــــــه‌ێره له نوو مانگ لــــه خاڵد ئڵاێ
سێف کییه بـــــــــــــــــــــاخ خێاڵــــد ئڵاێ؟
لـــــــــه به‌ێن ئــێ هه‌مگه کییه داێخد
وه‌تــــن کـــــــــــــــــــــوڕ خـــــان دڵه لاێخد
سرۊته خەر‌مان دڵــــــــــــم شه‌ن نیه‌و
ســــــــــــــان له بان بافه دی بـــه‌ن نیه‌و
پــــــــــــــــاێزه وا چه‌وه‌یل م نووڕ که‌ێ
من وه خه‌تاێ دید ت مه‌جبوور که‌ێ
پــــــــــــــاێزه وا و زه‌لان له ئیمه‌س هه‌م
ئاو و لــــــــــــــه‌تێ نان له ئیمه‌س هه‌م
لــــــــه‌ێ ته‌پ تووز و ته‌م ناکاوه دی
دڵ قێه‌خه‌س ده‌س لـه سه‌رم لاوه دی
چــــــــــــــــــراخ جاران ڕێێه‌یله چـــــه‌ود
هســـــــــــــــاره واران ڕێێه‌یله چــــــــه‌ود
وه ڕز ڕزه‌و داوه‌ت داوانـــــــــــــــــمــــــن
هســـــــــــــــاره‌گان هه‌ر ده‌قـه مێوانمن
کـــــــــــــاولی بڕێ لــــــه هـــــــــۊچیم هه‌ر
سوو له چه‌ود یه‌ێ ده‌فه چۊچیم هه‌ر
هســــــــاره‌گان هه‌ر وه ت چارن عه‌زیز
ســـــــــــــــووز ده‌رۊن که‌س نێارن عه‌زیز
نــــــــــــــانه‌سه‌ق کوانێیه‌گەو هـــــــــڵم نــان
داخ مــــن و داخ ت هــــــــــــــه‌ردگ بـــــران
خــــه‌ێره، چجاێ؟ داوه‌ت ڕێ دۊر چی؟
سوخمه لـــه وه‌ر کردییه، ڕا سۊر چی؟
داخ ت داخه‌یـــــــــل م بێده‌نگ سزان
دجـــــــــــاره بانان دڵـــــــــــــــم ئه‌ڵــــــــکزان
زه‌ۊ شــــــه‌که‌ت شوون شه‌واره ئه‌ڵس
زه‌ۊ له پێێد چه‌و همته‌زاره ئــــه‌ڵس
پـــــــه‌ڕاو و تاق‌وه‌سان هزاره نه‌نووڕ
چـه‌ود له جامه‌که‌یل دیاره نه‌نووڕ
یـــــــــــــــــاخی وێڵ کۊیه‌سانم ئڕاد
له چه‌و‌چه‌وه‌یل که‌س مه‌زانم ئڕاد
لـــــــــه تافه‌ێ ئاوه‌یل ده‌نگد تیه‌ێد هه‌م
ڕه‌نگین که‌وان خوه‌ش ڕه‌نگد تیه‌ێد هه‌م
لـــه قه‌ێ چه‌ود هساره فیــــــه‌ڵ گرتمه
تــــــــــــــــام شــــــــرین تیه‌ڵ‌ژیه‌ڵ گرتمــه
پشت شـــــــــــه‌واره‌یل شـــه‌کـه‌ت کــردێیه
داخ ت دنیــــــــــــــــــــا وڵــــه‌کـه‌ت کردێیه
