قالب وردپرس بیتستان پرنده فناوری
ماڵپەڕی هسارە / ئەدەبیات / شێعر / شێعرنوو / قــــــەور – کــەیوومــــەرس رزایـــــی

قــــــەور – کــەیوومــــەرس رزایـــــی

 

م خوه‌م زانم  که‌ روژێ وا

                                    وه‌لا بەێدەم

له‌ سه‌رده‌وا

له ئێواران سه‌ردێ

هناێ وا ئەول وارانا له جەنگ بوو

بڵسکەێ ئاگر ئەورەیل وه دەس بوو

هناێ له دۊر دۊر دۊر دۊرەیل

زه‌مین و ئاسمان هه‌ردگ شه‌که‌ت بوون

هناێ هۊر مه‌لۊچگ پڕ له سان بوو

تماشاێ بۊچگێ هه‌فت ئاسمان بوو

م خوه‌م زانم که روژێ وا

                               وه‌لا بەێدەم

له سییه‌مانگ

له چله روژ

له گا مه‌وه‌ر

ئەول کوڕ مێژو

                      سیاێ

یاگه‌ر که‌س تره‌ک

                   پیاێ

یاگه‌ر رێوار رێ خوداێ

م خوه‌م زانم که روژێ وا

                                    وه‌لا بەێدەم

له قۊلە ساڵ

ساڵ تیه‌ریک

ساڵ کڕیوە و وه‌فر و وا

ساڵ قیژەێ ئه‌ورەیل لاڵ

ئه‌ور نه‌زوک

                     بێ مناڵ

ساڵ مه‌نن

له هۊر مانگ و خوەر و زەۊ

م خوه‌م زانم که خاپوور بووم و

                                         بووم وه به‌ور

هه جور وەڵنگ

                         له هۊر پا

یا جوور چروو

                   له ژێر ساج وه بێ دروو

م خوه‌م زانم

               که بووم وه‌ به‌ور

له هۊر ئاێەم  نه

له قه‌ور   

چاوێک بخشێنە بۆ ....

“زه‌رب” کورتە چیرۆکێگ لە کەیوومەرس بەڵەدە

کاکه زه‌رب سینی. وه‌ت: ئا. وه‌تم:چه‌نێ؟ هڵم ده‌م و لۊتم له ناو دکانه‌گه‌یش دیار بۊ. …

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *