هسارە : شەرەفنامە کتاو وەناوبانگ مێژوو کوردە ک وە دەس مێژوو نۊس کورد میرشەرەف خان بدلیسی ( 1543 – 1599 ) زاینی وە زووان فارسی نۊسیاس .
شەرەفنامە یەکێگ لە سەرچاوە سەرەکیەگان مێژوویی خەلک کورد و کوردستانە .شەرەفنامە لە چوار رووپەڕ ( فەسڵ ) و 559 لاپەڕە گرەوسیاس ک هەرکام لە ئەوانە بەش بۊنەسە چەن بەن و دەسەوە .
میرشەرەف خان لە ناو ئێ کتاوە گەپ لە سەر ماڵمیران و دەسڵاتداران کورد داێە . ماموستا هەژار شاعر و نۊسەر وەناوبانگ کورد ئێ کتاوە هەڵگەردانێەسە سەر زووان کوردی .
شەرەفنامە تا ئێرنگە جیا لە زووان کوردی وە زووانەیل عەرەبی ، ئنگلیزی ، فەرانسەیی ، رووسی ،ئازەری و تورکی هەڵگەردیاسەو .
