دڵنیا نییم،
نە وەڕاس،
دی دڵنیا نییم،
ئەمان وە گومانم
شەوەکیانێگ لە سەرەتایل تاوسان
ک ھێـمان ئەقەورە گەرم نەۊ
لە ئیستگا ئت‌بووسەگەێ نزیک ماڵمان نیشتۊم
تاگەراێ بچم ئڕاێ دانشگا
چەوەڕی چشت دیاریێگ نەۊم
تەنانەت ئت‌بووسەگەیش
چۊن خوەێ تا کەم تر ھاتیاد
تەنیا ئڕاێ خوەم نووڕسمە دارەیل سەونز بەرز ئەو دەس خێیاوان و
یەگ چەنێگ چڕ بۊن،
دی دڵنیا نییم،
نە وەڕاس
ئەمان گاھە بزگەخەنەێگ لە سەر لێوم بۊ
نە ئڕاێ خاتر چشت دیاریێگ
گاھە تەنیا وە خاتر ساڕکی سەقف ئیستگاگە
یا وە خاتر دارەگان
یا تەنیا وە خاتر ئێ چشت سادە ک بیس ساڵان بۊم
ھناێگ ئەۊ چەقوو ھاوردە ملما، کوڕێگ ک نەتواسۊم شۊ بکەمە پێ.
