فاتمە نامی ساڵ ۱۳۷۸ لە شار ئەێوان سەر وە پارێزگاێ ئیلام چەو وە دنیا ڕووشن کرد. هڵاێە ۹ ساڵێ بۊ ک دەسکرد وە نۊسان هەڵبەستەیل ئازاد کوردی . پانزە ساڵێ بۊ ک هەڵگەردیادەو وە سەر وەتن شێعر ئڕاێ مناڵان و لاوان. خانم نامی تا ئێرنگە لە چەن فستیواڵ بەشداری کردێیە و لە سێیمین فستیواڵ شێعر مناڵ بۊ وە شاعر پەسەنکریاێ. ” باوگ ” یەکێ لە هەڵبەستەیل پەسەنکریاێ فاتمە نامی ـە ک پێشکەشدان کریەێدن.
.
هەێکەڵ باوگم ڕکڕاس
چوار شانە ئەمان تاسە
وەختێ تاسی باوگم دیم
تا وەلاێ ئەورەگان چیم
ئەور داپیم لە خوەێ کەمێ
وە دەو ڕا باوگم بەمەێ
ئەور وەجی مۊ چەوسانم
تاسی باوگم پووڕانم
وەختێ وەنواێ جامەک چی
نیەزانم چوە وە چەو دی
سیچقەێ کردو وەت ڕوولە
دەردد بخوەێد وەێ کووڵە
مۊێم ڕەنگینە ئەمان
فرە چەرمگە چمان
خوەزەو بۊتاد سییە
ئەوساس ک دی لێ نییە
