کۊیەگان دەمچەوێیان لە بریجەێ خوەر ئەڵقرچیانە
یە هزار ساڵە، هزار ساڵ سییە
مانگ، دوانزە مانگ ها لە خەو
شوون دەس پیرەژن سییەوە بۊیە
هایدە کوو خوداێ دێیم؟؟؟…
خوەر لە ناوەێن زەۊ و ئاسمان ماقێیەو بردێیە
مناڵەیڵ دەسەزرانی لە پاێ دەروچەگە نیشتنە
چمان دەردێیان …
ها خوداێ دێیم هایده کوو؟؟؟…
بنووڕه پیم …
هامە ناو چاڵاو نقۊرێگ هشک ئڵاتێ کە سفێدەێ سوو
قڵایل سییە وە قوت قات لە خەو ئەزرتەیلم هەڵسننەم
خوداێ دێیم هایدە کوو؟؟؟…
لەێرە دارەیل لە وەر چەو مەسدەو ئاگر خوەێان دەن و
قێ قێ وە پێیان خەنی
مەلەوەریل تامازروو زمسانن و دی چەوەرێ وەهار نیێن
مەلوچگەیل لە پەژارەێ شەوانە رووژانە لە بان تۊلە دارێ
خەوێیانەو بەێ…
خوداێ دێیم هایدە کوو؟؟؟…
