کووکردنەوە : ژیار جەهانفەرد
========
لاوەلاوەگەم لاوەم شیرینە
کردم وە نەزرد ئەو ماڵ و مینە
لاوە لاوەگه‌م ئڕاێ ت ئۊشم
دگان مرواری، قاقووڵ ئه‌وریشم
لاوە لاوەگه‌م، ئێواره وه‌ختێ
ده‌نگ كوورپه‌م تێ له ساێ دره‌ختێ
لاوە لاوەگه‌م خه‌ێاته‌ێ خاوان
زه‌مزه‌مه‌ێ مه‌لان، ناڵه‌ێ وه‌فراوان
لاوه‌لاوه‌گه‌م لا‌وه‌ێ نازاران
وه ده‌نگ نه‌رم و وه پرزه‌ێ واران
گاپارەد به‌سام، له‌ێ دار وه‌نه
وه حكم خودا، وه زوور به‌نه
لاوە لاوەگه‌م لاوه‌م نه‌لوورێ
خه‌و له گلاره‌ێ كوورپه‌م نه‌توورێ
