ازار ئاسمانی، دۊیه‌تڵه‌ێ نیشتمانی
قڵاێ دڵم ڕمانی، کوره دی مه‌یله‌م وه جی
بێ ت پڕله ئاگرم، قسیه‌ێ شه‌و ئاخرم
چه‌نێگه دووسد درم، کوره دی مه‌یله‌م وه جی
ئێواره‌ێ ئێڵ دۊره، هه‌ساره‌ێ پڕله نۊره
شادی و به‌زم سۊره، کوره دی مه‌یله‌م وه جی
سه‌روێن ئێڵخانییم، له‌چگ ساسانییم
ڕووڵه‌ێ کرماشانییم، کوره دی مه‌یله‌م وه جی
له ساێ چه‌و ت پۊشم، ئشقد بۊیه وه تۊشم
نازار کوردی ئۊشم، کوره دی مه‌یله‌م وه جی
شانازی شار مه‌جنۊن، هه‌ڵپه‌ڕگه‌ێ بێستۊن
فه‌راێەگان خه‌ود دۊن، کوره دی مه‌یله‌م وه جی
هه‌میشه بێ جوواوم، پاوه‌ره‌قی کتاوم
هه‌ناسه‌ێ پڕ ئه‌زاوم، کوره دی مه‌یله‌م وه جی
