هساره : “ فرهنگ باشور ” ، فەرهەنگوکێگە ک عەباس جەلیلیان ( ئاکۆ ) کووێیەو کردێیە . ئێ فەرهەنگوکە لە 810 لاپەڕە و دەورەگرد 50000 وشەێ کوردی تایبەت وە ناوچەیل کرماشان ، ئیلام و لوڕسان گرەوسیاس . فەرهەنگ باشوور لە ساڵ 1385 هەتاوی لە لایەن پەخشانگەێ پۆرسمان بڵاوەو بۊیە و هەرلەێوا یەێ جاریش لە باشوور کوردستان بڵاوەو کریاێە.
فەرهەنگ باشوور یەکێگ لە سەرچەوە سەرەکیەگان یاری دەر ئڕاێ نۊسەر و شاعرەگان و …… ناوچەیل کرماشان ، ئیلام و لوڕسانە .
ئێ فەرهەنگوکە لە لایەن ئاکۆ جەلیلیان پێشکەش کریاس وە داڵگ بەڕێز خوەێ و ژنان قارمان گەل کورد ک پارێزەران فەرهەنگ و زووان گەل کوردن
