هناێ لیسك خـوهر ، دهێ لـــه بـــان زهۊ بـوودن وه گـــوڵهیل بـهرز و زهرد و قهۊ
پیر پـــا كـــهفتێگ، وهو سقان پــۊكـــهو وهرج لـه یـه بـوڵبوڵ ، بگرێه دهنـۊكـــهو
لـــهقـــێ گـــوڵ تـازه ، لــــــه بـــــاخ زنــــــــهی ئـهو كـهفێــدهو هـۊر، خـوم پڕ لــه مــهی
جـامێ كیشێیه سهر ، لـهو بـادهێ نــابــه ئـۊشێ ههێ دهمــه ، وه ئــومـر حـهسابه
بـاقـی گشت ڕهنج و پــهژاره و خـهمــه ک لـه خـومخـانـهێ ، جهسهێ م جــهمـه
ئـومــــــرم چیـهســــــهر ، وه هــــۊچ پـهتــــی تیــهنـــــهو ســـهر دانــــم ، هـــوز نكــــبـهتـی
ت ئـۊشی مهستی ، دهرد، بـێ دهرمـانـه یا مهڵهـهم لـه بان، زهخـم جــهور سانه؟
ئهوهێـــگ هووشیاره ، لهێ بـهنــدیخــانه بێچـاره پێشهێ دێیان ، لــه جـهرگ نــانه
زوڵــــــم و ستــــهم و جـــهور زهمـــانــــــــه هــــــهر ســـــێ چــۊ خــوره ، قــاتـڵ گیـــانـه
ههرچێ مـهس دیمــه ، لــه خـوسه دۊره دهرۊنــی داخ و گـــهرمــه چــۊ كـــــۊره
ههگ تێدهو خوهێ،ههناسهێ سهرد بـوو كـونهێ دهرۊنـی ، پڕ خــوسهو دهرد بوو
كهم كهم وه بێدهنگ،ئومرێ چووده سهر بـوودن وه قـهڵـهم ، خـالی لـه جـهوهــهر
نـه نـاو لـــێ مینــــــێ ، نـه هــــــــۊچ نیشانـــێ قهپـێ چـاڵ لـه سۊك ،یـــهێ قــهورسانێ
كــــــهنــن وه بێــدهنگ ، لاشـهێ شارننــــــهو تــاگـهر لـه شوونێیان، وه دهو نـــاێـــدنهو
ئـــــــهما ئـهو كـهسهێگ ، وه پـاكـی ژیــــهێ گــووش وه هــهرهشـهێ ، زورداران نییـهێ
تـۊیـهنێد چۊ فهرهـاد ، لـه ناو دڵ كـۊیـه دهرزێـــــــــگ بكــــــــــهێـــــدهو، ئــــڕاێ ئـــــــۊیـــه
بــــــــوودن وه قـــــــــهڵاێ ، بتــــــــهو و قـــاێــــــم پـهناگــاێگ ئــــڕاێ ،مـــهردمهگهێ داێـــم
گــــــــهوهــــــــهر نــــــــــاوێ ، داێـــــــــم درهوشــــــێ نه سڕیــهێــدنهو ، نه خـــۆڵ دای پووشێ
خهمبار خوهش دێرێد ،دهسهێ دووم بـوو نـهگ نـاوێ لـه ناو، ناوهیل تـر گــووم بوو
