“دا” هەڵبەستێگ لە سۆمەیە سەفەری

ت  وە خوەد، وه دڵ دنیا دروو دەی

له هاڵد پرسن و دەرجا دروو دەی

چەوەیلد ئاو دەلیا خەێدنەو ڕێ

وه‌گەرد ئەسر خەنی، ولا دروو دەی

هه چەن ساڵه کەنیده دڵ له دنیا

له  ئیلا دڵ کەنی، لەولا دروو دەی

وسایده پا نەزانن ڕێزه ڕێزەی

ت یەێ پا خەیدە کڕ، وەو پا دروو دەی

ت سەرما گردێەسەد، یەخ دای له ناو خوەد

ت خوەر نەیده وه چەو، له سا دروو دەی

ت ورسێده هە قەپ دەیدن لە گیاند

هه له خوەد خوەیدن و ئێسا درووو دەی

ت واهێڵان لە شوون خوەد کڕانی

سەنگینە بارد و وە وا دروو دەی

ت مردیده له ناو ساڵەیل بۊند

ئڕاێ چوه دا؟ ئڕاێ کی دا دروو  دەی؟