” من و بەڕۊ ” یەکمن کومەڵە شێعر ئازاد کوردی شاعر هاودیاری هاتە چاپ کردن .
وە پەێ هەواڵ هسارە کتاو کومەڵە شێعر ” من و بەڕۊ ” پێکهاتەێگە لە 76 شێعر نەسرین شەفیعی لە لاێەن پەخشانگاێ ” دیباچە ” ێ شار کرماشان وە لە هەژمار 1000 دەنگ هاتە چاپ کردن .
بڕیارە ئێ بەرهەم تازەێ خانم شەفیعییە لە نەمایشگاێ کتاو کرماشان ک تا چەن رووژترەک دەس وە کار کەێدن بڕەسێدە دەس بەردەنگەیل شێعر کوردی.
شێعرەیل ئێ بەرهەمە وە شێوەزار کوردی کەڵهۆڕییە و نرخێ 10هزار تمەن دیاری کریاس.
خانم نەسرین شەفیعی لە داڵگ بۊ ساڵ ۱۳۴۸ هەتاوی لە شار کرماشانە ؛ چوار ساڵە شێعر وە زووان فارسی ئۊشێدن بەڵام د ساڵە رۊ هاوردێیەسەو شێعر وەتن وە زووان داڵگی خوەێ.
