بەور سیەێ لە بان سەرکەشم
بوو کزەێ بەڕۊ دێدە بەشم
یە بوو زڵفە هۊلەگەێ سەرکەشه
قنجگ قنجگ لە گیانێ بەشە
یە بوو مەلەوەریل چەو لە خوە
بوو بەڕۊیەل هناس سەردە
یە بەڕۊ نییە یە گیان ئاێەمە
یە سەروێن تەڵاگەێ ماڵ داێەمە
سەرکەش قەسەم وەو دار سزیاێدە
وەو شەۊ سییەێ لە وەر کریاێدە
قەسەم وە ئەو بەور باڵادە
وەو زڵف بەڕۊیەل تاڵ تاڵدە
سان دڵێ تەقیەێ لە وەیشت ژاند
چەمەری گەردانەیل هانە بان شاند
رووکەرەیل هاتنە وە دیارد
هاتنە وە سەر مەزار بێ خاکد
یە هناس سەردەگەێ دڵ سەرکەشە
یه ترۊسکەێ لەشێ لەێرە بەشە
سەرکەش تاسووبارە لە داخد
موور غەریبی چڕێ له باخد
ئۊشێ: هەێ هەێ لە سوز دەرد گرانم
کەم کەم سزنێد بێدەنگ سقانم
بەڕۊ هناسەگەد چییە وە دەس ئاێەم
دی لەێرە نمەنێیە وەن و باێەم
هەێ هەێ لەێ تەمەلۊل سییە
سزیان خوەێ وه چەو دییە
شین بکەن ئڕاێ هەرچێ بەڕۊیە
شین بکەن ئڕاێ هەرچێ بەڕۊیە
