” هەور خەمبار ” – بەرهەم تازەێگ لە سەی وەحید میرەبەیگی

ئه‌وقه‌ره‌ خه‌مباره‌ هه‌وره‌گان خه‌ێاڵم

که‌س گومه‌لێگ هێز نیه‌ێ له‌ کانی تاڵم

گردێیه‌ ته‌م جامه‌که‌یل و دۊزه‌مه‌ وارێد

سه‌ردسڕه‌ و بێ‌گڕه‌، کوانێگ ماڵم

چیمه‌ن و باخه‌یل وه‌هار، چینه‌ له‌ هۊرم

جۊ مه‌ل گیرووده‌م و دژمین ده‌مه‌ باڵم!

بێ‌خه‌وه‌ری چۊ به‌مه‌ سه‌ر ڕوژ وه‌ ڕوژم

بێ‌خه‌وه‌ری چۊ چووه‌ سه‌ر ساڵ وه‌ ساڵم…

شه‌مشه‌مه‌کوره‌ێ شه‌وه‌یل چووڵم و خوه‌زگا

باێدنه‌سه‌ر پۊکی زۊخه‌یل به‌تاڵم