شێعر کڵاسیکشێعرنوو
پارچە شێعرێگ لە ئاکو جەلیلیان یه‌کێ بۊ (ک هێمان هه‌سه‌ێ) یه‌کێ نه‌ۊ (ک ناوێگ لێ نه‌مه‌نێیه) یه سه‌ره‌تاێ هه‌ر مه‌ته‌ڵێـگه (له رووژهه‌ڵات تیه‌م، وه‌ره‌و رووژئاوا چم) یه سه‌ر و بنْ قسیه‌ێ سه‌ره‌ورده‌یلْ مه‌ته‌ڵه‌یله. له‌و شه‌وه ک خه‌و دیم په‌روانه‌ێگ له سه‌ر که‌لاکێـگ باڵه‌وازی کرد؛ هه‌ر ئێوارگان مرم و به‌یانان زینێیه‌و بووم نیه‌توام بخه‌فم های دۊیه‌تْ رووژهه‌ڵاتی!! نه سووربۆن سووری سه‌ر گوونات له هۊرم برد و نه ورسای وه‌ره‌سه‌ێ که‌وکه‌وی چه‌وه‌یلد هات ئیفڵ‌یش وه دۊیه‌فلی سه‌ر ئه‌ڕا داڵاهووێ ده‌رۊند چه‌مان شانزه‌لیزه شانزه ساڵ پیرم کرد له رووژئاواترین شه‌ونێیه‌مه‌گاێ دنیاوا راد نۊسم. های دۊیه‌تْ رووژهه‌ڵاتی!! ئه‌گه‌ر خودایش چه‌نه ت دووس بێیاشتام، گیچه‌ڵێگ نێیاشتم لێره خودا سایه نه‌ێرێ و سێوه‌رْ تنیش سێویاێیه گیفانم پڕه له هۊچ و دڵم پڕه له به‌ژن و باڵات هه‌ناێ هۊرد که‌م؛ سه‌رپه‌رتۊ به‌ردینْ ئی ئاسمانه خوناو که‌ێد و هه‌ناێ ناود به‌م؛ شه‌راو له ده‌مم وارێد خه‌مْ ئه‌بروو، خه‌مْ ئابڕۊ له هۊرم به‌ێد ها هۊرد: (ده‌سماڵێ پڕ که‌م له هه‌نار و به‌ێ – جڵه‌وکیشێدم تا وه ملیه‌نه‌ێ ) هزار مله‌ێ مافه‌ته لێ داێ بڕیم م چووڵ بڕیم و شار وه جی هیشتم و ت شار بڕید و ژیار ئه‌وجی هیشتی ئیسه کی شاواز کیشده؟ پووڕێ مانگ و هساره‌یل جڵه‌وشاهی راد بژه‌نن: – شاواز شاوازْ دۊیه‌تْ رووژهه‌ڵاتی؛ هه‌واخواێ نه‌مرێ (ئـ.ا.ک.ۆ) – های دۊیه‌تْ رووژهه‌ڵاتی!! دی له ئاو و ئاوینه رخم چوو؛ ئمڕوو له هۊرد بمینێ گاهس هه‌ر ئی رووژه، رووژْ به‌خت و جه‌ختْ ت بوو ت هاو رازْ شلێر و شیلان و شه‌وبووی و م هاو ره‌گه‌زْ ده‌رد و سه‌رد و به‌ردم ت سووماره له زێد و زیلان و زه‌لان دیری و سێوانێگ له برمه‌هه‌ڵاڵه و م: پرۊسنه‌کێگم ک له زاکان وه‌فر و سایه‌قه هاتمه سێوانه‌گه‌م سێوه‌ێ ته‌نیا داره‌گه‌ێ سێویاێ له خه‌مه وه‌ڵام؛ … دڵنیام له وه‌هار بانان هزار سێوانْ داره‌ڕا کریاێ دێرم.
پارچە شعرێگ لە نەمر عەباس کەمەندی
پێم ئه‌ڵێن فه‌رمووته شێتم ئه‌ی به قوربان ئه‌و ده‌مه
باسی شێـتیم تا قیامه‌ت گه‌ر بکه‌ی هێشــتا که‌مه
نه‌ک ئه‌تۆ عاله‌م بزانــێ شـــێت و ســه‌رگـــــه‌ردانتم
شێته گیان عاشـــق چ باکـــێکی له لۆمه‌ی عاله‌مه
یان ئه‌وه‌ی بیســـــتومه وا حاشا له ناسینم ئه‌که‌ی
ئه‌و که‌لامــــــه‌ت دڵتـــه‌زێنــــه ئه‌وپه‌ڕی ده‌ردو خه‌مه
وا مه فــــه‌رموو چــــاوه‌کانم کــه‌س نیه ئاگای نه‌بێ
حـــــافزی ڕۆحــــی په‌پوله نوری له‌رزانــــــی شه‌مه
