هساره ماڵپەڕ هسارە سه‌ر وه هیچ لایه‌نێگ نییه و ته‌نیا ئامانجێ خزمه‌ت كردن و پێشخستن زوان و ئه‌ده‌بیات و فه‌رهه‌نگ كوردیە /ماڵپەڕ هسارە له وێراشته‌كردن ده‌قه‌یل ئیوه‌‌ێ هه‌نین ئازاده
یه‌کێگ له‌ێ زمسانه‌یله مرم
له زمسانێگ ک هیچێ ئه‌و زمسان نیه‌که‌ێ
له زمسانیش نه‌مرم
له وه‌هار مرم
له وه‌هارێگ ک هیچێ ئه‌و وه‌هار نیه‌که‌ێ
له وه‌هاریش نه‌مرم
ئاخره‌گه‌ێ هه‌ر مرم
دروو ده‌م؟
ئاخەره‌گه‌ێ هه‌ر مرم
له چشتێگ ک ئه‌و خوه‌ێ نیه‌که‌ێ
هه نه‌مرمیش چوه؟
لێره پرس، مردن نییه
پرس، چشتێگه ک ئه‌و خوه‌ێ نیه‌که‌ێ
هه نه‌مرمیش چوه؟
منێگ ک نیه‌زانم زینێیم یا مردمه
له ژیانێگ ک ئه‌و خوه‌ێ نیه‌که‌ێ
هه بمرمیش چوه؟
چووزانم مردن ئه‌و خوه‌ێ که‌ێ یا نیه‌که‌ێ
هناێگ هیچ چشتێگ ئه‌و خوه‌ێ نیه‌که‌ێ
ژیان و مردن فه‌رقێیان چوه‌سه؟
که‌ره‌ج – ۱۹/۸/۹۳
