یــــاران دڵــسوز ، دۊیــه‌تـــــه‌یل دڵپاک
شێــران نــــه‌مـــر ، کــوڕه‌ێـــــل چـالاک
کــــام یــــه‌ک لــه ئیوه ،وه‌هـاران جـارێ
ئـــرمێس واران، لــه چــــه‌و نیــــــه‌وارێ
ئڕاێ ئـــه‌و شــــاره ، چـروه‌گــه‌ێ هێماێ
چـه‌نی چه‌‌‌ن ساڵـه دۊنم، قــرچ هــــه‌ڵاێ
شارێــــگ ک شـــادی ، هـامێتـه‌ێ خـه‌مه
هـــه‌ر کـــوو لــێ دۊنی، شــوون سته‌مـه
شارێـــگ ک هـــه‌ورێ ، گـــاز خــه‌رده‌ڵۊ
ئاگـــر نـــــه‌وروزێ ، تــه‌پ و دۊکــــه‌‌ڵـۊ
شارێــگ نـــه‌رمــه‌واێ ، مێنست وه‌بـــه‌ڵا
دیــادن لــه هه‌ر که‌س، رزیــاد چــۊ گه‌ڵا
شارێگ گشت چۊ مه‌ل، له‌رزیان و کـه‌فتن
گـــه‌وره‌و بۊ چگێیان، له بان خـاک خه‌فتن
خــه‌وێگ ک هـه‌رگز، که‌س لێ هێز نه‌گرد
پــا دار و بـێ پا گشت چۊ یه‌ک لـێ مرد
ئـــه‌وه‌ێ هـــه‌وڵ گیان چنگ کوتا له زه‌ۊ
خـــودا ئــــه‌ێ هــاوار ئاخر گوناێ چه‌ۊ ؟
کام شار دین وه‌ی جوور، دالێ قه‌ڵپه‌نجه
بـــاڵ ڕه‌ش مــــه‌رگ ، بێجگه هــه‌ڵـه‌بجه
مه‌گـــه‌ر که‌سێ مه‌‌ن، خاک بکه‌ێ لاشه‌ێ
تا ئــــڕاێ زوهـــاک ، بـوو وه هه‌ڕه‌شه‌ێ
شارێـــگ ک زاڵــم، وه یه‌ێ روژ لێ سه‌ن
په‌نــج هه‌زار شه‌هێد، چۊ نه‌که‌ێده‌ی په‌ن
باینــه‌و سه یاران ، هـه‌ر ساڵ ئی وه‌خته
ک روژ قــــڕان ، کــورد بــه‌دبـــه‌خــته
وه یـــاد پــه‌پووله‌یل ، باڵ سزیاێ ده‌مێ
روشن کـــه‌یم هـــه‌ر کــام له ئیمه شه‌مێ
تا گـــه‌ر جـــارێ تر ، شـــه‌مشه‌مه کوره
فکـــر نـــه‌‌کـــه‌ێ تا سه‌ر دنیا وه‌ێ جوره
ئــــاخ ئـــه‌ر من خـــه‌مبار، سیه هــاوه‌رم
داخ دارێ ڕوڵــــه‌ێ ، عـــــومـــر خـاوه‌رم
تا روژێــــگ ئـــرمێس پـه‌رده‌ێ هه‌جاوه
روحم چـوو گل خـوه‌ێ بێده‌‌نگ له‌و ناوه
