شاعر: ژاك پره‌ور
وه‌رگێڕان: عزدین حه‌یده‌ری
………………………………………..
دنیا پڕه له گوڵه‌مه‌یل گه‌وراێ خــۊن
ئێ هه‌مگه خــۊن رێیا گرتێیه
وره‌و كوو چوو
یانێ زه‌مین خــۊن كیشێده‌و سه‌ر و
مه‌س كه‌‌ێد؟
زه‌مین خاس ئڕا خوه‌د و مه‌یخوه‌ریید!
باده‌‌ێ خــۊنخوه‌ر
چه‌نێ پارێزكار و چه‌نێ هاماری زه‌مین!
خــۊنین زه‌مین!
نه زه‌مین ئاڵ پیاڵه نییه
زه‌مین له‌تر نیه‌وه‌ێد و خڕ نیه‌خوه‌‌ێ
هه‌ڕاده‌‌ێ بـۊچگ چواروه‌رزێ
وه‌قایه‌ت دڕانێ زه‌مین
واران و وه‌فر و هڕشت و هه‌واێ خوه‌ش
هیچ ده‌مێگ مه‌س نیه‌كه‌ێ
زه‌مین
ته‌نانه‌ت گاجارێگیش مه‌س بوو
ئاگروه‌شان كوڵووڵ بۊچگێ
زه‌مین خڕ خوهێد و نیهوسێدهو
وه‌ل دار و باخ و باڵاخانه‌یلێیا
وه‌ل گوڵه‌مه‌یل گه‌وراێ خــۊنا
زه‌مین خڕ خوهێد و نیهوسێدهو
بوونه‌وه‌ره‌یل بانیشێ وه‌لێیا خڕ خوه‌ن
رفت خــۊن رێیا گرێ
زه‌مین ده‌ربه‌ن نییه
ههناێ خڕ خوهێ
بوونه‌وه‌ره‌یل بانیشێ وه‌لێیا لۊلنن
بهڵام ده‌ربه‌ن نییه زه‌مین
خڕ خوهێد و نیهوسێدهو
نه خــۊن له رێیا داگرتن كوتایی تێ و
نه زه‌مین له خڕ خواردن
وسییه‌ێده‌و
ئێ هه‌مگه خــۊن رێیا داگرتێیه وره‌و كوو چوو؟
خــۊن پیاێ‌كوشه‌یل و خــۊن شه‌ڕوانه‌یل و شه‌ڕه‌ونه‌ره‌یل
خــۊن كاره‌سات
خــۊن چام
خــۊن نه‌هامه‌ت
خــۊن مرۆڤه‌یلێ ک له ناو زندانه‌گان
شه‌ل و په‌ت كریه‌ن
خــۊن مناڵه‌یل بێ‌جۊله و هێمن
ک وه ده‌س باوگ و داڵگ جه‌زه‌ربه بوون
خــۊن ئه‌وانه‌گه كه‌پووڵێیان خه‌ڵتان له خۊن كریاس
له شه‌قامه‌یل و به‌ندیخانه
خــۊنێ ک له ناوخوڕه‌یل خوڕه‌ێ تێد و
له كووڵانه‌یل رێیا گرێ
لافاو خــۊنێ ک ههناێ تێ،
رێگرێ ئڕا شه‌پووله‌یل خوهێ نیه‌ۊنێ
خــۊن گه‌رد وه دنیا هاتن زاڕووک كوورپه‌ێا كه‌فێده رێ
داڵگ شیوه‌ن و شینكه‌ر
وه كوورپه‌ێ ک وانگ هه‌ڵاڵێ
رفت خــۊنه
زه‌مین خڕ خوهێد و نیهوسێدهو
زه‌مین له خڕ خواردن ده‌س هه‌ڵنیه‌گرێد و
خــۊن له رێ كه‌فتن
ئێ شه‌تاوه‌یل خــۊنه وەره‌و كووره‌ێا سه‌ررێژ بوون؟
خــۊن شمڕ خواردێه‌یل و
خــۊن ئه‌وانه ک بێ‌هرمه‌ت بۊن و
سووكی پێیان كریا
خــۊن نه‌‌ڕشیاێ سه‌ر داره‌یل
خــۊن ئه‌وانه‌گ خوه‌ێان خوه‌ێان كوشتن
تیرواران بـۊن
ماكووم كریان
خــۊن وه بێ‌خود مردگه‌یل
له پێشهاته‌یل نادیار
یه‌كێ هاته خێیاوان و خــۊن له ده‌مێ رێیا داگرت و
وه جارێ مرد و سه‌راسه‌ر له‌شێ خــۊن داگرت
بهڵام خــۊن داوانگره و پاكه‌و نیه‌ود
خــۊنه‌یل وه ناهه‌ق رشیاێ
له‌وره ک ته‌رمه‌گه‌ێ كه‌فتـۊد
تا فەره وه‌خت دۊاێ ئه‌وه
چه‌ن دڵوپ خــۊن سییه
هێماێ وه هێماێ نه‌چێیه‌سه‌و
خــۊن وه خــۊن پاكه‌و بوو
خــۊن تاێرمه به‌سیاێ
ژه‌نگ ژیان
ژه‌نگ ته‌رمه‌گان
خــۊن وه‌كوو شێره‌یل ئه‌وبه‌سیاێ
ک وه یه‌‌ێـهه‌و ده‌رچن
جوور شێر ک ههناێ تیه‌ن و
وه ناو گه‌له گاوكـۊیه‌گانا خڕ خوه‌ن
خڕ خوهێد و نیه‌وسیه‌ێده‌و
هه‌ر وه‌ک زه‌مین
یا وه‌كوو شێته شێره‌یل
ههناێ خڕ ده‌ور گه‌له گاكۊ‌یه‌گان ده‌نه‌و
خڕ خوهێ زه‌مین
وه‌ل دار و بوونه‌وه‌ر و باڵاخانه‌یلێیا خڕ خوهێ
وه‌ل شووخه‌بووكه‌یلْخڕخوه‌ر بان زه‌ۊا
مردگه‌یل چاڵ كریاێ
له وه‌رز كه‌فتن گووشه‌ماسی
یان تاڵان ئاوات چه‌وساوه‌گان
ز‌مین خڕ خوهێد و نیهوسێدهو
وه گوڵه‌مه‌یل گه‌وراێ خــۊن
قـــۊله‌و بوون و ژێـــركه‌ت راس كه‌ن
ســەرچــــەوە : ژیار کورد
