هــــەڵس ئمشه‌و بچیم له‌ێ شـــــــــار دۊره
هنــــاێ چیلـــــــــێ بچن ئــــــاگر له کـــــــــــۊره
تواێ تا کـــــــــه‌ێ بمینــــــــی لــــــــه‌ێ وڵاته؟
ک به‌زمه هه‌م، خوه‌شی هاواره،سۊره
***
بێیـــــــــه ئـــــاوا دڵد لــــــه‌ێ بانه لێـــــــــژ بوو
بزان گه‌لگه‌ل مه‌لۊچگ له‌ێره چۊ چوو
شنه‌فتم گوڵ وه بوڵبوڵ وه‌ت ک دێره
بووه‌س ئه‌خدم، بکه سۊرم گوڵ سـوو
***
بخه کووڵا چه‌پاڵێ نان کونه‌ێ ئاو
له بــــــــــــاخ گـــــرده‌کانــــه‌گان ڕێـــــژاو
د کاسه ئاشقی وه‌ر دا چـــه‌وه‌یلم
دیاره سۊل ئه‌سره‌یلم چــوو لافاو
***
بـــــووار واران، دروو هێـــزده زووانم
چه‌نێ واکفت بۊیه زه‌خمه‌یله‌گــــــانم
وه‌تیدن سوو تیه‌مه‌و وه‌رجه هســاره
خوه‌شی ساڵه‌یل سه‌ردد ها له گیانم
***
بنووڕ هــانه ڕزه‌و خێڵ په‌ژاره
خوسه را هاتند چه‌و همته‌زاره
له هه‌رلاێا بنووڕیده چــه‌وه‌یلم
خه‌لیسی دۊکه‌ڵ جه‌رگم دیاره
***
له داخد سه‌ێره‌گـــــانم چینه تۊله
بێیه واێـــــــا په‌لێ له‌و زۆڵف هۊله
له نــــاو ئێ وشکڵاتێ گه‌رمه‌سێره
چه‌نێ ده‌لیاێ چه‌وه‌یلد قۊله قۊلە
