خۊنی خوداس
کلگ تۊته‌ێ وه‌هار پاره‌که
ک باپیرم وه‌ت :
خوه‌شم هات
ده‌نگ قووخ دریاێگ بووم
تا هاوار به‌رز بێ که‌سێگ
له لیم بچوود ئه‌و بان ..
نزه‌یلم بێیه‌ن ئه‌و ده‌س په‌نج ئێواره
تا دۊکه‌ڵ سیکاره‌یل لورکا
له سۊک چه‌وه‌یل زووڵه‌زاێ ئاسمان
لێز بگرن ..
هه‌ر ئه‌و رووژه
هه‌ر ئه‌و رووژیشه نه‌زانستیم
ئاوره‌یل ئێره پرێسا داشتن …
هه‌ر ئه‌و رووژیشه
وه‌هار شمڕێگ وه ده‌س گرد و
کلگ تۊته‌ێ دۊیه‌ته‌یل زاواران
ژه‌نان ئه‌و خۊن خوداوه ..
ئیکه‌ش وه گژ واران نۊسا :
گه‌رت کیشان
ئه‌راێ سانه‌یل باپیردار قێه‌خه‌س …
هه‌ر ئه‌و رووژیشه نه‌زانستیم
ئاوره‌یل ئێره پرێسا داشتن …
قوڕێێم
بێه‌ن ئه‌و ده‌س په‌نج ئێواره
تا ساێڕ بێ زووان واشه‌یل
له بنچینه‌ێ وا پێا بوود
هاتێ دۊکه‌ل سیکاریه‌ل لورکا
له به‌رزی ده‌نگم هناس بکیشێ
هه‌ر ئه‌و رووژه
هه‌ر ئه‌و رووژیشه نه‌زانستیم
ئاوره‌یل ئێره پرێسا داشتن …
