–« وەڕاس،
ئێرە کوورەێ دنیاس ؟
ک وا و وەهار و واران
لە لێ واز تیەرن !
ئێرە کوورەێ دنیاس ؟
ک کیەنییەگان
چۊنە دڵ لیخنن
دی شازاێەێ مانگ
لۊیەت لۊیەت
لە ناوێیان سناو نیەکەێ!
وەڕاس
ئێرە کوورەێ دنیاس ؟
ک کوچگەیل
بووێ لە کۊیە نەوردنە !
چەمەگان، سەر گووشێیان وە دەریا نیەخوەێ!
دارەگان، مەلۊچگەیل لە قەرە نیەیلن !
دەیشتەیل، دڵەقرچی ئڕا وەهار نیەکەن !
وە جادەیل،
هۊچ رێوار شەکەتێگ
وە پەرتخ نیەوەن !
وە داخەو ….
وە داخەو ….
ئێرە کوورەێ دنیاس گ
کۊیە وە کۊیە رەسێگ
من و ت بەڵام
هۊچ وەخت وە یەک نیەڕەسیم ؟!
وەڕاس
ئێرە ئاخر دنیاس …… ! »
لــە کتاو : گوورانیەیل وا
