هساره ماڵپەڕ هسارە سه‌ر وه هیچ لایه‌نێگ نییه و ته‌نیا ئامانجێ خزمه‌ت كردن و پێشخستن زوان و ئه‌ده‌بیات و فه‌رهه‌نگ كوردیە /ماڵپەڕ هسارە له وێراشته‌كردن ده‌قه‌یل ئیوه‌‌ێ هه‌نین ئازاده
ده‌قیقه‌گان کلگ دانه‌سه چه‌وا ئڕام
دیواره‌گان له وسانن شه‌که‌ت و
داره‌گان بۊنه‌سه دار!
کلگه‌یلم له خوداسپاری ئێوارانه‌یل مه‌ننه‌سه جی.
ئه‌ێ رێیه چه‌نێ دۊره و
شێعره‌گانم نم کیشانه له ته‌م ته‌مه لۊلان خۊن و ماتیک.
ئه‌ێ واهێڵانه
له‌ێ دارسانه
هناسه‌بڕگی شاعرێگه
که ئاخرین وشه‌گانێ بۊنه‌سه
هاوار
له پاێ دار!
ئه‌ێ نزمه‌وا تنافێگه
له قوڕگ شاعرێگ
له بان دار!
له سقانه‌یلم
پیپنه‌کێ بسازن
تا مناڵه‌گانم وه پێ
گورانی ئازادی بچڕن
