هساره ماڵپەڕ هسارە سه‌ر وه هیچ لایه‌نێگ نییه و ته‌نیا ئامانجێ خزمه‌ت كردن و پێشخستن زوان و ئه‌ده‌بیات و فه‌رهه‌نگ كوردیە /ماڵپەڕ هسارە له وێراشته‌كردن ده‌قه‌یل ئیوه‌‌ێ هه‌نین ئازاده
ازار ئاسمانی، دۊیه‌تڵه‌ێ نیشتمانی
قڵاێ دڵم ڕمانی، كوره دی مه‌یله‌م وه جی
بێ ت پڕله ئاگرم، قسیه‌ێ شه‌و ئاخرم
چه‌نێگه دووسد درم، كوره دی مه‌یله‌م وه جی
ئێواره‌ێ ئێڵ دۊره، هه‌ساره‌ێ پڕله نۊره
شادی و به‌زم سۊره، كوره دی مه‌یله‌م وه جی
سه‌روێن ئێڵخانییم، له‌چگ ساسانییم
ڕووڵه‌ێ كرماشانییم، كوره دی مه‌یله‌م وه جی
له ساێ چه‌و ت پۊشم، ئشقد بۊیه وه تۊشم
نازار كوردی ئۊشم، كوره دی مه‌یله‌م وه جی
شانازی شار مه‌جنۊن، هه‌ڵپه‌ڕگه‌ێ بێستۊن
فه‌راێەگان خه‌ود دۊن، كوره دی مه‌یله‌م وه جی
هه‌میشه بێ جوواوم، پاوه‌ره‌قی كتاوم
هه‌ناسه‌ێ پڕ ئه‌زاوم، كوره دی مه‌یله‌م وه جی
