وەهار سۆخمه‌ێ هه‌ور کردۊیه وه‌ر مانگ
سۆخمه‌ێ زه‌ڕزه‌ڕی وریجواجکه‌رێگ
پڕ له هه‌ساره!
گژگیا ده‌ر هاتۊ وه ژێر بانگلانه‌یل–
ئه‌وقه‌ره نه‌جمیاونه‌و
تۊتکه‌گان وه‌ناو وه‌رتارمه‌گه گووان ده‌ڵه بووره‌گه هه‌ڵمژیان
مرۊجه‌یل، و مل په‌ڕان ژه‌نگ دریاێگ، له‌ش مه‌ل مردێێگ گردۊنه، بان شان وو بردیانەێ
دی له‌ق دارێگ نه‌شکیا
په‌ل گۆڵێگ په‌ل په‌له‌و نه‌ۊا
مه‌ڵاق چاڵاوێگ وشکهه‌ڵناتیا
که‌سێگ ترنگه‌ێ ئاو کانیێگ لیخنه‌و نه‌کردیا
تراتر خۆته‌خۆتکه‌رێگ وه گاوه‌سن جه‌سه‌ێ زه‌ۊ نه‌تلیشانیا
وه جاێ ده‌نگ چه‌قچه‌قه‌و ڕم پووق کارخانه‌یل لۊره‌ێ گورگه‌یل وو هیله‌ێ ئه‌سپه‌یل هاتیا
ئاوای ئازای داشت
ئاێه‌مه‌یل نۆقۆم بۊن…
