یه شێعر نییه؛ ئاوه‌خته‌یل نه‌وه‌کام رێوارێگه
یه مه‌ته‌ڵ نییه هۊرمانه‌یل سه‌رده‌مانبێ بنێگه
هه‌ناێ له زاکان[۱] گورگ و مێش سوو، په‌پریک[۲] هه‌راڵه‌ێگ چه‌قێدو
مزگانی ژیانه‌وه‌ێگ ئغ‌ئوو که‌ێد
یا له ئێوارگان ک ده‌نگئاواشه[۳] له ئاوشدنیا ئاوێشته[۴] بوو
هۊرت که‌م
هه‌ناێ په‌لکیسێگ په‌ری په‌ێکه‌رێگ گووش[۵] که‌ێد
یا لاوه‌لاوه‌ێگ وه گالووره لوورنێد
خه‌وت دۊنم
هه‌ناێ هێڵ[۶] سوورێگ سوورتر و سووڵتره‌و بوو
یا ئاڵاێگ له سه‌ر تاکه یاڵ سنوورێگ سه‌ره‌تاتگی کهێدو
مزگانی سه‌رفرازی ده‌ێد
ناوت ئۊشم
هه‌ناێ شێعرێگ له سه‌ر زارئه‌ویندارزامدارێگ زاوزێ کهێدو
تاسه‌ێ ئه‌وین ته‌سه‌ڵ که‌ێد
بوومه هاوساێ تۆ
هه‌ناێ شنه‌ێ شه‌ماڵ له جیاتی ده‌سه‌یل هه‌ڵاوارد م
خه‌رمانه‌ێ گیسه‌یلد شه‌ن که‌ن و
هه‌ر تاڵێگێ ته‌مۊره‌ێگه و شاوازخودا کیشێد
ئقرار که‌م؛
ئقرار که‌م ئه‌وینداردم
[۱] – جنگ تن به تن
[۲] – کاسبرگ
[۳] – وحوش
[۴] – ترکیب شدن و آرام شدن
[۵] – عادت دادن نوزاد به مکیدن پستان مادر
[۶] – خط
