نەورووز رووژ سەرکەفتن نـۊر وە سەر تیەریکی و کاوە وە سەر زەهاکە .
رووژ دەس وەپێ کردن مێژو پڕ لە شانازی گەل کوردە 2716 ساڵە لە هەڵکردن یەکم ئاگر پیروزی گەل کورد وە سەر نەیارانێیا چودەو سەر تا ئمڕوویش گەل کورد لە نەورووز ئاگر پیرووزی خوەێیان هەڵ کەن و دەس لە ناو دەس یەک لە دەورێا هەڵپەڕن.
نەورووز نیشاندەر یەکگرتن فەرهەنگی گشت ئەو گەلەیلەسە ک سەدان قەڕنە ئەول یەکا ئێ رووژە جەژن گرن. بڕێگ وە داخستن سفرەێ هەفت سین ، بڕێگ وە رووشن کردن ئاگر و هەڵپەڕین و بڕێگ وە رازونیاز لە شوونەیل پیرووز ئایینی و……. .
هەرکام لە ئێ رێ و رەسمەیلە نیشاندەر بیر و باوەڕ فەرهەنگی مرۆڤەیلێگە ک ئێ رووژە جەژن گرن ،تەقەلا ئڕاێ سڕینەوەێ هەرکام لە ئێ رێ و رەسمەیل تایبەت وە نەورووزە ، هەوڵدانە ئڕاێ پاکەو کردن بەشێگ لە فەرهەنگ هزاران ساڵەێ نەورووزە.
ماڵپەڕ هسارەسەرەڕاێ پیرووز بایی کردن نەورووز ، هیوادارە ساڵ تازە ساڵێگ پڕ لە خوەشی و شادی و هاودڵی ئڕاێ ئیوەێ بەڕێز بوودن.
