هناێ لیسک خـوه‌ر ، ده‌ێ لـــه بـــان زه‌ۊ بـوودن وه گـــوڵه‌یل بـه‌رز و زه‌رد و قه‌ۊ
پیر پـــا کـــه‌فتێگ، وه‌و سقان پــۊکـــه‌و وه‌رج لـه یـه بـوڵبوڵ ، بگرێه ده‌نـۊکـــه‌و
لـــه‌قـــێ گـــوڵ تـازه ، لــــــه بـــــاخ زنــــــــه‌ی ئـه‌و کـه‌فێــده‌و هـۊر، خـوم پڕ لــه مــه‌ی
جـامێ کیشێیه سه‌ر ، لـه‌و بـاده‌ێ نــابــه ئـۊشێ هه‌ێ ده‌مــه ، وه ئــومـر حـه‌سابه
بـاقـی گشت ڕه‌نج و پــه‌ژاره و خـه‌مــه ک لـه خـومخـانـه‌ێ ، جه‌سه‌‌‌ێ م جــه‌مـه
ئـومــــــرم چیـه‌‌ســــــه‌ر ، وه هــــۊچ پـه‌تــــی تیــه‌‌نـــــه‌و ســـه‌ر دانــــم ، هـــوز نکــــبـه‌تـی
ت ئـۊشی مه‌ستی ، ده‌رد، بـێ ده‌رمـانـه یا مه‌ڵهـه‌‌م لـه بان، زه‌خـم جــه‌ور سانه؟
ئه‌وه‌ێـــگ هووشیاره ، له‌ێ بـه‌نــدیخــانه بێچـاره پێشه‌ێ دێیان ، لــه جـه‌رگ نــانه
زوڵــــــم و ستــــه‌م و جـــه‌ور زه‌مـــانــــــــه هــــــه‌ر ســـــێ چــۊ خــوره ، قــاتـڵ گیـــانـه
هه‌رچێ مـه‌س دیمــه ، لــه خـوسه دۊره ده‌رۊنــی داخ و گـــه‌رمــه چــۊ کـــــۊره
هه‌گ تێده‌و خوه‌ێ،هه‌ناسه‌ێ سه‌رد بـوو کـونه‌ێ ده‌رۊنـی ، پڕ خــوسه‌و ده‌رد بوو
که‌م که‌م وه بێده‌نگ،ئومرێ چووده سه‌ر بـوودن وه قـه‌ڵـه‌م ، خـالی لـه جـه‌وهــه‌ر
نـه نـاو لـــێ مینــــــێ ، نـه هــــــــۊچ نیشانـــێ قه‌پـێ چـاڵ لـه سۊک ،یـــه‌ێ قــه‌ورسانێ
کــــــه‌نــن وه بێــده‌نگ ، لاشـه‌ێ شارننــــــه‌و تــاگـه‌ر لـه شوونێیان، وه ده‌و نـــاێـــدنه‌‌و
ئـــــــه‌ما ئـه‌و کـه‌سه‌ێگ ، وه پـاکـی ژیــــه‌ێ گــووش وه هــه‌ره‌شـه‌ێ ، زورداران نییـه‌‌ێ
تـۊیـه‌نێد چۊ فه‌رهـاد ، لـه ناو دڵ کـۊیـه ده‌رزێـــــــــگ بکــــــــــه‌ێـــــده‌و، ئــــڕاێ ئـــــــۊیـــه
بــــــــوودن وه قـــــــــه‌ڵاێ ، بتــــــــه‌و و قـــاێــــــم پـه‌ناگــاێگ ئــــڕاێ ،مـــه‌ردمه‌گه‌ێ داێـــم
گــــــــه‌وهــــــــه‌ر نــــــــــاوێ ، داێـــــــــم دره‌وشــــــێ نه سڕیــه‌ێــدنه‌و ، نه خـــۆڵ دای پووشێ
خه‌مبار خوه‌ش دێرێد ،ده‌سه‌ێ دووم بـوو نـه‌گ نـاوێ لـه ناو، ناوه‌یل تـر گــووم بوو
