زانیار کوردستان – جواد شەریفی

زانیار کوردستانم

کوردم و کورد زووانم

کاوه باپیر منه

زه‌هاک ئه‌سیر منه

پێنۊسه‌گه‌م  تێشه‌مه

رێ فه‌رهاد پێشەمه

ئاره‌ش که‌مانگیرمە

دیاکووه باپیرمە

که‌مان ئاره‌ش هه‌ڵگرم

جه‌رگ دژمن پێ بڕم

هه‌ناێ وه‌چانێ ده‌ر که‌م

تاقوه‌سان وه سه‌نگه‌ر که‌م

تاقوه‌سان سه‌نگه‌رمه

کرماشان له‌نگه‌رمه

وه‌ک نه‌‌کیسا موور تیه‌رم

وڵاتێ وه ‌شوور تیه‌رم

باربود ئه‌راێ م ژه‌نێ

نه‌کیسا وه‌لێا خوه‌نێ

بێستۊن هه‌ر هازمه

شاهوو شانازمه

ئاویه‌ر رێ نازمه

داڵاهوو جی رازمه

ته‌مۊره هه‌ر سازمه

هووره هه‌ر ئاوازمه