ئەشکان ناسری دۊیاێ چوار ساڵ ک کتاو «کوومەێ پەژارە» بڵاو کرد، دوارە هاتەو تا نیشان بەێد ک یەێ شاعر تەک کتاو نییە و قسیەیل تازەێگ ئەڕاێ وەتن دێرێد و ئێ جارە کتاوێگ وە ناو «هۊر» بڵاو کردێیە.
زاهر سارایی لە بارەێ ئێ کتاوە نۊساس:
«کتاوێگ پڕ دە ئەڵوەسەیل ئەڵکەفتگ» وە هەر وەها بابەک دەوڵەتی ئۊشێد:
« یەێ کتاو تازە لە نەسڵ جوانێگ ک گومان کەم تۊیەنیم وە پێیان دڵ بوەسیم، نەسڵێ ک شێعر بناسن و لە ڕێ ئەدەبیات درس بچنە نووا»
لە زەمانەێ ک گێشتێ دێرن لە عشق نۊسن، کتاو هۊر، جوور بیرەوەری هەر ئاێەمێ بێجگە هەست عشق، هەستەیل ترەکیش لە لاپەڕەێ ژیانێ جی داس، وە هەر یە یەکێ لە چێشتەیلێگە ک باێست بوود ک لە کتاوەیل وەرجلە خوەێ جیاوازەو بوود.
ئێ کتاوە دەروەچێ جیاواز ئەڕاێ بەردەنگ خوەێ واز کەێد. دەروەچێ ک فەرە لە بەشەیل ڕەوانناسی لە دڵ خوەێ جی داس، چۊ دژاوو یا ئاڵزایمر!
“هۊر” لە بڵاوگەێ دیباچە لە شار کرماشان وە لە ۶۵ لاپەڕە ، ک بریتییە لە سی قەزەڵ هاتێیەسە چاپ کردن.
